Fourth NRN Regional Conference

May 28-30, 2010
Houston Marriott Westchase Hotel
2900 Briarpark Dr., Houston, TX 77042, USA

Day 1: Room 1

Workshop on

Open and Distance Education in Nepal

Invitation | Information for Participants | Workshop Schedule | People Bio | Photos from the Program | Resolution of Workshop | NRNA Houston Decleration ( NRNA |NepalAustralianNews | NepaliPost ) | Press Release and coverage ( Official | JanaPukar | Nepalnews | eKantipur | NepalArab.com | NepalDalitInfo ) | Pre-event News Coverage ( ICDE | 01 | 02 | 03 | 04 | 05 )
Venue ( Address | Map | Rates and Reservation | Reserve | More )

News Coverage

गैरआवासीय नेपालीको खुला विश्वविद्यालय अवधारणा

Source: रासस

काठमाडौ, जेष्ठ ९ - विश्वका विभिन्न मुलुकमा छरिएर रहेका गैरआवासीय नेपालीले आफूले आर्जन गरेको ज्ञान र सीप राष्ट्र निर्माणमा उपयोग गर्ने उद्देश्यले खुल्ला विश्वविद्यालयको अवधारणा अघि सारेका छन् ।

गैरआवासीय नेपाली सङ्घको अगुवाइमा सो अभियान सञ्चालन गर्न लागिएको सङ्घका अध्यक्ष देवमान हिराचनले जानकारी दिए ।

गैरआवासीय नेपाली अभियानको सुरुआतसँगै विदेशमा रहेका नेपालीले आर्जन गरेको ज्ञान र सीप नेपालको रुपान्तरणका लागि कसरी प्रयोग गर्न ल्याउन सकिन्छ भन्नेमा छलफल हुदै आएको छ ।

अध्यक्ष हिराचन भन्छन, 'नेपालको द्रुत्ततर विकासका लागि विदेशमा आफूले आर्जन गरेको ज्ञान, सीप र प्रविधिलाई नेपालमा परिचालन गर्नुपर्नेमा कसैको दुईमत छैन । यस कार्यका लागि गैरआवासीय नेपाली परिवर्तनका संवाहक हुन् ।' सङ्घले विदेशमा रहेका नेपालीलाई आˆनो ज्ञान र सीप नेपालको रुपान्तरणमा प्रयोग गर्नुपर्छ भन्दै आएको छ ।

अध्यक्ष हिराचनका अनुसार अभियानको प्रारम्भिक दिनमा निश्चित समयका लागि नेपाल फर्केर यहाँको अर्थतन्त्रमा काम गरेर गैरआवासीय नेपालीले आफ्नो ज्ञान र सीप नेपाल र नेपालीलाई हस्तान्तरण गर्न सक्छन् भन्ने धारणालाई मूर्तरुप दिन खुल्ला विश्वविद्यालयको अवधारणा अघि सारिएको हो ।

सो अवधारणाअनुसार विश्वका विभिन्न प्रतिष्ठित विश्वविद्यालय र उद्योग प्रतिष्ठानमा कार्यरत विज्ञले नेपाल आएर आफ्नो ज्ञान बाँड्नेछन् ।

नयाँ नेपाल निर्माण र नेपालको रुपान्तरणका लागि नेपालीको सीप र शिक्षामा गुणात्मक वृद्धि आवश्यक रहेकामा जोड दिदै अध्यक्ष हिराचनले भने, नेपालमा यस्तो किसिमको व्यवस्था आवश्यक देखिन्छ । सङ्घको चौथो विश्व सम्मेलनपछि ज्ञान, सीप र प्रविधि हस्तान्तरणका क्षेत्रमा कार्य अघि बढाउने निर्णय गरेको थियो । त्यसका लागि सङ्घले डा. राजु अधिकारीको संयोजकत्वमा सीप ज्ञान तथा प्रवर्त्तन आदानप्रदान कार्यदलसमेत गठन गरेको छ ।

उक्त कार्यदलले गैरआवासीय नेपाली र अन्य सम्बन्धित पक्षसँग बृहत् छलफलपछि खुल्ला विश्वविद्यालय सञ्चालनसम्बन्धी सहमतिपत्रको खाकासमेत तयार पारेको छ ।

सरकारसँग उक्त सहमतिपत्रमा हस्ताक्षर भएपछि सङ्घले खुल्ला विश्वविद्यालय सञ्चालनसम्बन्धी कार्यलाई गति दिने अध्यक्ष हिराचनले जानकारी दिए । यसका लागि सम्बन्धित निकायमा पहल भइरहेको सङ्घको नेपालस्थित सचिवालयले जनाएको छ ।

Announcements